作詞：黃偉文　作曲：伍樂城

為美女顯出身份氣勢
除了手袋　必需有位傻仔
傻得做司機都濟　拎袋冇所謂
用黎解悶　亦唔嘥幾多電費
我有時其實都知道慚愧
我錯誤吸引一個人
訓練成類似男朋友錯體

我知過份鍾意玩捉錯用神
明知你最後亦冇份　亦任你犧牲
我知過份　冇鍾意都俾訊號人
無聊請你現場助慶
就算寵物亦會得到個熱吻

其實我一生搵好情人
行過身邊偏偏冇好男人 
唯一就只得到你　肯關照一陣
未曾感動亦曾經分享共振
我有時其實都想你煩我
我怕悶需要一個人
每日纏住我黎維持我信心

我知過份鍾意玩捉錯用神
明知你最後亦冇份　亦任你犧牲
我知過份　救生圈亦都想捉實拉近
這裡告急亦都好遺憾

就當我膚淺　買保險　當天昏地暗
半夜若然遇險　都有人未訓
就怕之後越見得多你　你越吸引